Colectivo Ruando
Fotografía
de Rúa
Ruando é un colectivo de fotografía de rúa de Lugo: aberto, horizontal e sen xerarquías.
Camiñamos, observamos e compartimos — porque a rúa é o noso territorio.
Quen Somos
Ruando: de rúa e de andar, porque iso facemos.
Somos un colectivo de fotógrafas e fotógrafos de Lugo, afeccionados e profesionais, sen xerarquías nin directiva. Un laboratorio aberto no que o que importa non é o like, senón o ollo. O noso carácter é didáctico e sen ánimo de lucro: un espazo para aprender, compartir e mirar mellor.
Actividades realizadas
Anos activos
Membros do colectivo
Actividades
Presentacion concurso
I CONCURSO FOTOGRAFÍA XUVENIL
RUANDO LUGO26
Escola de Arte e Superior de Deseño Ramón Falcón
16 Xuño 2016
VIVIAN MAIER
Proxeción do documental «Finding Vivian Maier» (John Maloof)
Ponente: María Vázquez
Biblioteca pública de Lugo
11 xuño 2026
«San Ruandiño»
Festa do Patrón
Churrasco Fotográfico.
Casa de Baixo – Lugo
30 de maio de 2026
Proxectos e Exposicións
Ruando PhotoFest Lugo26
RuandoPhotoFest é un festival de fotografía de rúa que se celebra en Lugo durante a primeira semana de novembro de 2026. O festival reúne fotógrafas e fotógrafos profesionais, afeccionados e todas as persoas interesadas neste xénero nunha experiencia centrada na exploración creativa, a narrativa visual e o desenvolvemento de competencias fotográficas.
Durante cinco días, o evento inclúe exposicións colectivas e individuais, obradoiros especializados, masterclasses, paseos fotográficos guiados, visionados de portafolios, proxeccións, concursos fotográficos e actividades culturais paralelas.
I Concurso de Fotografía Xuvenil RUANDO 2026
O presente concurso ten como obxectivo fomentar a creatividade artística entre a mocidade, promovendo a observación da contorna urbana a través da fotografía de rúa. Procúrase captar escenas cotiás, momentos espontáneos e a vida na cidade desde unha mirada persoal.
Poderán participar estudantes matriculados en centros de ensino, distribuídos nas seguintes categorías por idade:
A: 12 a 14 anos (1º a 3º ESO)
B: 15 a 17 anos (4º ESO e Bacharelato)
C: 18 a 22 anos (Formación Profesional e outros estudos posobrigatorios)
1 premio para cada categoría, consistentes en material fotográfico.
Vídeos Ruando
Os vídeos do Colectivo Fotográfico Ruando abordan diferentes temas relacionados coa fotografía de rúa. Neles compartimos técnicas, consellos, experiencias e reflexións, ademais de analizar imaxes e descubrir o traballo de fotógrafos de referencia. Un espazo pensado para aprender, inspirarse e seguir gozando da fotografía de rúa.
Retos Fotográficos
Os retos son o corazón de Ruando. Unha proposta que nos lanza á rúa con intención, para explorar un tema, descubrir un autor ou simplemente mirar con máis atención o que sempre estivo aí.